اسلام میں مادری زبان اور ثقافت

اس سے صاف ظاہر ہوتا ہے کہ اللہ ہمیں اپنی ثقافتی اور لسانی شناخت کو برقرار رکھنے کی ترغیب دیتا ہے۔ اپنی اس شناخت کو مٹا نہ دیں جو اللہ سبحان وتعالیٰ کا تحفہ ہے۔ اس لیے اپنے بچوں کو اپنی زبان سکھائیں، جیسے پنجابی، پشتو، سندھی بلوچی، کشمیری اور سرائیکی۔   اپنی شناخت، اپنی مادری زبان اور ثقافت سے پیار کریں۔ یہ اللہ سبحانہ و تعالیٰ کا تحفہ ہے۔ اور یہ اللہ سبحانہ و تعالیٰ کی نشانیوں میں سے وہ اہم نشانی جسکا ذکر قران اور احادیث میں کئی مقاما ت پر ملتا ہے.
یہاں یہ بات بھی واضح ہے برتری کی بنیاد زبان اور نسل نہیں بلکہ اسکی بنیاد صرف تقوی ہے . اس بات سے کوئ انکار نہیں . لیکن افسوس اس بات کا ہے ، کہ پاکستان میں اگر کوئ ان قرانی تعلیمات کا حوالہ دیکر صرف اپنی زبان اور ثقافت کے تحفظ کی بات کرتا ہے تو اس پر نام نہاد علماء کرام تعصب کا الزام لگا دیتے ہیں . دوسری جانب یہ علماء کرام اردو زبان کو اسلام کی زبان ثابت کرتے ہیں اور تمام مادری زبانوں کے تحفظ کی آواز کو نسل پرستی قرار دیتے ہیں . میرا سوال ان مُلّوں سے صرف یہ ہےکہ صحاح ستہ اور کسی بھی حدیث کی کتاب میں کہاں اردو کو اسلام کی زبان کہا گیا ہے . لگتا ہے کہ کل جب امام مہدی اور نبی سیدنا عیسیٰ علیہ سلام نے اگر اردو یا عربی کے سوا کوئ اور زبان بولی تو انکے خلاف بھی فتاوی تیار ہوں جائیں گے. ویسے حضرت عیسیٰ علیہ سلام کی زبان نہ تو اردو ہے اور نہ عربی بلكه انكي زبان سرياني ہے